ഗർഭപാത്രം മാത്രം വിചാരിച്ചാൽ ഒന്നും നടക്കില്ല
കേരളത്തിലിപ്പോൾ കുഞ്ഞുകുട്ടിപരാധീനങ്ങളെല്ലാം പറഞ്ഞോണ്ടു നടക്കുന്ന വാക്കാണ് "ആർത്തവം'' ഇത് ഗർഭപാത്രത്തിന്റെ മാത്രം പണിയല്ല. അണ്ഡാശയങ്ങൾ ഉല്പാദിപ്പിക്കുന്ന രണ്ട് കരുത്തുറ്റ ഹോർമോണുകൾ അതുല്യ സാമർത്ഥ്യമുള്ള ഈസ്ട്രജനും പക്വമതിയായ പ്രോജസ് ട്രോണും ഇവരെ നിയന്ത്രിക്കാൻ തലച്ചോറിലെ ഹൈപ്പോതലാമിസിന്റെ നിർദ്ദേശത്തിൽ പിറ്റ്റ്റൂട്ടറി ഗ്രന്ഥി ഉല്പാദിപ്പിക്കുന്ന ലുട്ടി നൈസിംഗ് ഹോർമോണും ഫോളിക്കിൾ സ്റ്റിമുലേറ്റിംഗ് ഹോർമോണും ഈ 4 പേരുടെ ഏകോപനത്തോടെയുള്ള പ്രവർത്തനമാണ് ഓരോ ആർത്തവത്തിന്റെയും പിന്നിൽ. ഇത്ര താളാത്മകമായ ഒരു പ്രവർത്തനവും ശരീരത്തിലില്ല. ഒരു പ്രത്യേക കാലയളവിൽ [ ഋതുവിൽ ] സംഭവിക്കുന്നതുകൊണ്ടാണ് ആ പേര് കിട്ടിയത് "ഋതുമതി" എത്ര സുന്ദരമാണ് ആ വാക്ക്
ഗർഭപാത്രം, ആർത്തവം, പ്രസവം, മുലയൂട്ടൽ ഇതെല്ലാം പ്രകൃതി സ്ത്രീക്കു നൽകിയ വരദാനങ്ങളാണ്.ഒരു ഹോർമോൺ കൊണ്ട് തൃപ്തിപ്പെടുന്ന പുരുഷനേക്കാൾ എത്രയോ ശക്തയാണവൾ " സംഘാതേ " കൂട്ടിച്ചേർക്കുന്നത് എന്നർത്ഥമുള്ള ധാതുവിൽ നിന്നാണ് സ്ത്രീ ശബ്ദം ഉണ്ടായിരിക്കുന്നത്
അണ്ഡത്തേയും ബീജത്തേയും കൂട്ടിച്ചേർ കുന്നവൾ, ഒരു കുടുംബത്തെ മുഴുവൻ കൂട്ടിച്ചേർക്കുന്നവൾ.. ഒരു സ്ത്രീ ജന്മത്തിൽ 400-500 അണ്ഡങ്ങൾ മാത്രമാണവളുടെയുള്ളിലുണ്ടാവുക. ഒര ണ്ഡത്തിനോടൊട്ടിച്ചേരാൻ കോടി ക്കണക്കിന് ബീജങ്ങളാണോടിയെത്തുക മാരത്തോൺ ജയിച്ചെത്തുന്ന ഒരാൾ അണ്ഡത്തിന്പുൽകുമ്പോൾ പുതിയ പ്രജയുടെ തുടക്കമായി
ഇത്ര മഹത്തായ പ്രവൃത്തി ചെയ്യുന്ന സ്ത്രീ രണ്ടാം തരമാണെന്നു സമ്മതിച്ചു കൊടുക്കുന്നത് ഊളത്തരമല്ലേ പെണ്ണുങ്ങളേ? അതിനു തയ്യാറാകാത്ത കുറേയേറെപ്പേർ ഈ നാട്ടിലുണ്ടാ'കാതെ തരമില്ല
ഇടതുപക്ഷത്തോടു പറയാനുള്ളത്
നിങ്ങളിപ്പോൾ തുടങ്ങിയ നവോത്ഥാന ക്ലാസ്സുകൾ എന്നേ തുടങ്ങേണ്ടിയിരുന്നു! കേരളത്തിലെ ഭൂരിപക്ഷം കോളേജുകളിലും യൂണിവേഴ്സിറ്റികളിലും യൂണിയൻ ഭരിക്കുന്നത് SFI വിദ്യാഭ്യാസ കാലം കഴിയുന്നതോടെ എന്താണിവരുടെ അവസ്ഥ?
കെ ജി ഒ എ യിലും കെ എസ് ടി.എയിലും എൻജിയോ യൂണിയനിലുമൊക്കെ അംഗങ്ങളായവരെല്ലാം കമ്മ്യൂണിസ്റ്റ് ആശയങ്ങളുള്ളവരാണെന്ന് ചിന്തിക്കാനുള്ള മൗഢ്യമൊന്നും നേതാക്കൾക്കില്ലെന്നറിയാം
ഒഴുക്കിനെതിരേ നീന്തണ്ട എന്ന് ചിന്തിക്കുന്നവരേറെയുണ്ട്. വിരട്ടൽ കൊണ്ടോ ഒഴിഞ്ഞു മാറാൻ വയ്യാത്തതു കൊണ്ടോ ദേശാഭിമാനി വരിക്കാരാകുന്നവരിൽ പകുതിപ്പേർ പോലും അത് വായിക്കുന്നുണ്ടോ?
സഖാക്കളെ,
കൂടുതൽ ജാഗരൂകരാകുക
മതനിരപേക്ഷമായ ഒരു നാട്ടിൽ ജീവിക്കാൻ വല്ലാത്ത ആഗ്രഹം. നിങ്ങൾ മാത്രമാണ് പ്രതീക്ഷ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ